昨日，突然之間知道 Ella 同美霞將於明天結婚，聽到呢個好消息，當然替她們高興！好快芷君就來結婚，仲有一個月，真係好開心！眼見各位好友開始計劃結婚，組織一個新家庭，就覺得自己開始老了！結婚呢一回事，對我來講，從幻想到幻滅，由陌生變得親近，本來欣喜既事，對我來講有一種壓力！二十五歲，談不上成熟，心態已變了，再唔係對婚姻充滿懂憬，只係看到用錢來堆砌。

以前，我都唔希望自己係早結婚既一群，好想為自己、為另一伴好好地努力計劃將來！結婚對我來講有點點壓力！講種感覺好難講出來！現在，我只係好想尋找自己既方向！為工作、為前途！

現在幸好找到一個可以話錫自己既人，俾到最大安全感自己，已經再無以前既不安同緊張。又或者，心態變了，知道什麼對自己最重要，懂得取捨！以前，遇到敏感既時候，有時都會想有一天他會從我身邊離開嗎？！身邊會有另一個女仔嗎？！他心中還有誰人存在，值得佢緊張？！以前，實在太多為什麼、太多不安、太多自欺欺人既大話編了自己！回頭一看，真是上了寶貴既一堂！學懂什麼叫 "擇善而執" ，可惜還未真正做到，仲有一半要改善！

不知不覺又一年，好開心自己而家身邊有一個錫自己既人，幾時知我想要什麼來配合我，雖然經常忘記，但有時又唔知點解佢會記住！明知自己又累、仲傻間間陪我去迪士尼，陪我傻笑！雖然去唔到鬼屋，唔可以係佢面前扮害怕加細膽，但係總算完了幫我自己小小的願望！講起來，係自己再沒有之前大多既希望加幻想，所以並沒有以前時既失落同傷心！係要求變得易達到，定係對方既能力同心思？！

人總會有比較，曾有一日，我慢慢地去想以前，以前的他家各種家中擺設，對我來講已經想唔起，有點亂！現在，腦中清楚浮現現在男朋友家中既一切，貪睡既他！哈哈！

哈哈，十月係男朋友既生日，可惜大家都要返工！係心大心細既情況下，最終都為他選購一份禮物，到現在他仍未使用過！果晚，係我咁大個女安排係酒店吃飯，二人同"台"，吃西餐！佢吃佢喜愛既牛扒，我吃我愛吃既生蠔，大家交換套餐食物，連個酒店個哥哥都無哂辨法！我仲好似小朋友咁，不停問佢，我做得好唔好？你開唔開心？感唔感動？驚喜嗎？！一點點既傻話！佢只係好平淡對我講一句"開心，多謝"，輕輕錫左我一啖！我知佢好開心同滿足！

眼前看到既一切是真嗎？！希望個心同對眼係一致的！唔想再自己騙自己！現在，時刻都同自己講，放鬆一點，放輕一點！總會一日，他會與我分手，喜歡了另一個！我唔可以再係另一段感情花更多時間去療傷！時刻準備分手既準備！

對唔住，如果你現在見到我以上既話，只限此刻既想法！唔代表將來！我講唔出，此刻自己變得有幾自私，幾時懂得保護自己，現在我選擇左傻間間地相信你，但我答應你，我會做一個稱心滿意既女朋友！請原諒我此刻既想法。

夜靜了，好耐好耐都無試對住部電腦寫下野，近排都唔知自己忙咩，只係知道又收埋自己。雖然，經常都同朋友聚會、陪男朋友，但唔知點解自己未滿足，好想去追求一樣！快樂，好耐無為一樣野而快樂！始終覺得缺乏一 D 野！自信…

好朋友就來結婚啦，榮幸地 "姐"妹，真係好開心！果晚，同小單一齊試衫，哈哈！真係好醜樣左好多啊！哈哈，要加速減減！

差不多半年已經無寫過日記。現在的我，過得好開心同滿足！多謝各位朋友既支持！

係呢半年來，我除了貪玩，還比以前更愛玩，愛識朋友，參加各種不同既聚會，好開心識到一班好友！除了朋友之外，我多左另一個，多得佢係我身邊教導我同支持我、錫我。我既眼中，看到佢錫我的一面，雖然生活過得平淡而優閒，再沒有以前既不安的感覺同唔開心，現在既我喜歡呢這一刻同佢相處既感覺。

人大了，傷心過，痛過跌過，愛情對我來講，沒有之前看得太重要，又或者，我學習用另一個模式去愛一個人，生活得好輕鬆自在！

好多謝佢，有時，我都會同佢講：好多謝你接收一個傻間間又一無是處既女仔；有時，我會氣氣地對佢講：你唔喜歡的話，可以去找第二個來代替我，雖然我心裡都唔想，但好喜歡講這一番話激下佢。每當我唔夠佢講的時候，就出這番話作為我的殺手間，見到佢一刻認真的樣子，又知道佢緊張我、在意我！心中都有一點點甜甜的。從佢口中聽得到佢既緊張，眼中看得到佢既細心，默默地為我改變！雖然改變得好少，好細微，但對我來講，已經好開心！每一次，都對佢講：感謝你！佢每次聽到都同我講：傻瓜！之前，以為好難得到既野，現在，我輕輕講一句，已經有人記住在心中，我終於明白了，這是愛一個人的表現。好感謝他喜歡我同愛錫我。

希望現在這一份既感覺，大家相處既態度、愛對方既心態，可以慢慢地繼續延續下去，而永不磨滅。

有了更多的朋友，有了愛錫我既人，現在既我可以安心地做好自己，找一個正確既目標。我開始忘記以前一D唔開心既回憶，重新為自己寫過新的一頁。好開心自己有個懂得愛惜自己的人及朋友。感謝主！

近日，都過得唔開心，又或者工作太忙，有點兒喘不到氣，又或者，壓力俾得太多自己！太多或者了！今天，雖然過得好平淡，同事做得唔開心，發少少脾氣係我身上，漸漸覺得已經撐不住。雖然，大家都知我容量大，大家嘻嘻哈哈都無所謂，但係，工作上太繁忙，令到自己都過得唔開心！可能只係一個適應期，要學習習慣一下。

係電腦節前夕，走去買了一支"咪"，目的係希望同 kaki 係 skype 詳談，結果，我們連續兩天都傾計，可能面對住電腦，輕輕按一下就可以聯絡，大家有野講。聽完kaki講有關佢既野，原來大家都同病相連，有同一個煩惱！希望，你同我一樣，學懂放手！

今年，又要自己一個過聖誕節 (意思係又無男朋友) 哈哈！算啦，既然，都習慣了一個人既心情過自己既生活，可必渴望得太多？！聖誕節雖然無男朋友陪，但係朋友上既聚會，就變得十分之精采，可能只有 27 號留返俾自己休息！希望有個快樂既聖誕！

女人既心情係水做，變幻無常，其他人可能好輕輕鬆鬆同自己講有幾唔開心，受到別人既愛護同關心！我記得，老闆竟然同我講，我係一個係人面前，盡量俾人覺得有種開心既感覺，有咩唔開心，係適當時候發下脾氣，聽到，我就覺得我係唔係已經變很多！之前，有咩唔開心，都可容易黑面，可能又或者係男朋友面前，我想話俾同聽我唔開心，想佢錫下我便足夠，仲好記得，每次唔開心食生文魚刺身，就會心情好好多！食野時既樣子，就會變得好幸福！還記得，哈哈哈既笑聲！都令我暫時忘記唔開心，見到佢對我好，便已經足夠。

有時，真的很累，好想趕快找個肩頭依靠一下，俾力量我繼續前進，面對挑戰！何時會出現呢 my mr right？

現在，有少少覺得自己心理不平衡，好容易係屋企發脾氣，我相信過多一陣，情況會變得好多！因為，我學識抵禦心中既痛！

Kaki，好掛住你，如果，再次係晚上，同你係海旁傾下計就好了。你知道嗎？雖然每天我都過得好繁忙，但我仍然好寂寞同空虛，可能天氣影響了我的心情… 發一些傻話！

P.S. I miss YOU

近排工作上，好忙！剛剛完了一個活動，辦得好成功，得到三贏既局面！雖然，做得好好，但係，我就變得好有顧慮、並無之前有既成功感而開心！身份變得越來越亂！又或者，呢方面對公司來講，係一個好方向！自己又要再一次接受呢一次轉變！

以前，經濟好，自己不停問自己，我屬於呢度嗎？自己做既野係自己想做既野嗎？不停想轉工，但一味同自己講，我要克服直至到，我要取得到既野而離開！現在，我已經得到自己想做既野，又面對唔同既project，好多構思，又可以識唔同既野，希望將來自己既視野再擴闊多幾步！

因為，大家都知道我怕悶，再一次認識到另班朋友仔，他們每個星期都會有聚會，生活又變得精采！另一方面，我又返書啦，快 D 上堂就好了！

前幾日，aunt生日，我打電話同佢講生日快樂，雖然短短兩句，但我同aunt知道，大家都唔知講咩好，佢既一切，我已經無興趣，現在既我，生活得好開心，腦裡面已經無不停想住佢！真係直得慶祝！希望uncle同aunt身體健康！

係另一方面，直到現在，都唔清楚要自己，學識放手，可能真係對自己好一D ！究然，大家都溝通唔到，我更加唔喜歡這一句"對你好失望，好討厭你"，呢一句，對我來講，真的好傷心！我知道，當一個人想離開公司，無數理智既理由，都敵不過自己既不快樂，每天唔想返工既心情，我都經歷過，試問我點解唔會支持你？自己每一個決定係會影響自己既前途，試問會影響我嗎？雖然我都覺得自己講既理由都無幫助，竟然會令別人咁樣睇我！如果，真係要見面，何需要每天見呢？如果，心想見呢個人，我相信以我性格衝動既人，什麼都阻不到我！

又一次講白癡既說話，現在，寫係日記上既野，一次比一次唔夠坦白，好想好以前既咁暢所欲言！